മോമോ ഇൻ ദുബായ്’ പ്രദർശനത്തിനൊരുങ്ങുന്നു
അനു സിത്താര, അനീഷ് ജി മേനോൻ, ജോണി ആൻറണി എന്നിവരെ പ്രധാന കഥാപാത്രങ്ങളാക്കി നവാഗതനായ അമീൻ അസ്?ലം സംവിധാനം ചെയ്യുന്ന ‘മോമോ ഇൻ ദുബായ്’ ഉടൻ പ്രദർശനത്തിനെത്തും.
അതിനോടനുബന്ധിച്ച് ‘അമേരിക്ക ആയാലും ജപ്പാൻ ആയാലും മോമോ രാജ്യം വിടുകയാണ് ‘ എന്ന കുറിപ്പോടെ ഇറങ്ങിയ ‘മോമോ ഇൻ ദുബായ്’യുടെ പോസ്റ്ററും കൂടാതെ ഗാനവും മാധ്യമങ്ങളിൽ ശ്രദ്ധ നേടി.
സുഡാനി ഫ്രം നൈജീരിയ, ഹലാൽ ലൗ സ്റ്റോറി എന്ന ചിത്രത്തിനു ശേഷം സക്കരിയയുടെയും ആയിഷ എന്ന ചിത്രത്തിന്റെ തിരകഥാകൃത്ത് ആഷിഫ് കക്കോടിയുടെയും തിരക്കഥയിൽ ഒരുങ്ങുന്ന ‘മോമോ ഇൻ ദുബായ്’ ഒരു ചിൽഡ്രൻസ്-ഫാമിലി ചിത്രമാണ്. ഇമാജിൻ സിനിമാസ്, ക്രോസ് ബോർഡർ ക്യാമറ, ബിയോണ്ട് സ്റ്റുഡിയോസ് എന്നിവയുടെ ബാനറിൽ സക്കരിയ, ഹാരിസ് ദേശം, പി.ബി അനീഷ്, നഹല അൽ ഫഹദ് എന്നിവർ ചേർന്നാണ് ‘മോമോ ഇൻ ദുബായ്’ നിർമ്മിക്കുന്നത്.
സക്കരിയ, ആഷിഫ് കക്കോടി എന്നിവർ ചേർന്ന് തിരക്കഥ, സംഭാഷണമെഴുതുന്ന ഈ ചിത്രത്തിൻറെ ഛായാഗ്രഹണം സജിത് പുരുഷു നിർവഹിക്കുന്നു. ബി.കെ ഹരിനാരായണൻ, ഡോക്ടർ ഹിഖ്മത്തുള്ള, അമീൻ കാരക്കുന്ന് എന്നിവരുടെ വരികൾക്ക് ജാസി ഗിഫ്റ്റ്,ഗഫൂർ.എം. ഖയാം, യാക്‌സൻ & നേഹ എന്നിവർ സംഗീതം പകരുന്നു.
ഒട്ടേറെ സിനിമകളുടെ പ്രൊഡക്ഷൻ കൺട്രോളറായ ഹാരിസ് ദേശം നിർമാതാവാവുന്ന ചിത്രം കൂടിയാണിത്. എഡിറ്റർ-രതീഷ് രാജ്. പ്രൊഡക്ഷൻ കൺട്രോളർ-റിന്നി ദിവാകരൻ, പ്രൊഡക്ഷൻ ഡിസൈനർ-ഗോകുൽ ദാസ്,മോഹൻദാസ്, മേക്കപ്പ്-മുഹമ്മദ് അനിസ്, കോസ്റ്റ്യൂം ഡിസൈനർ-ഇർഷാദ് ചെറുകുന്ന്, സ്റ്റിൽസ്-സിനറ്റ്? സേവ്യർ,പരസ്യക്കല-പോപ്‌കോൺ, ചീഫ് അസോസിയേറ്റ് ഡയറക്ടർ- ഇർഷാദ് പരാരി, സൗണ്ട് ഡിസൈൻ- വിക്കി & കിഷൻ, കാസ്റ്റിംങ്ങ് ഡയറക്ടർ-നൂറുദ്ധീൻ അലി അഹമ്മദ്, പ്രൊഡക്ഷൻ കോർഡിനേഷൻ-ഗിരീഷ് അത്തോളി, പ്രൊമോഷൻ കൺസൾട്ടന്റ്- വിപിൻ കുമാർ.
