കരുമാടി കാമരത്ത് കാവ് ശങ്കരനാരായണ മൂർത്തി ക്ഷേത്രത്തിൽ ആഴിപൂജ
അമ്പലപ്പുഴ കരുമാടി കിഴക്കേമുറി അയ്യപ്പ സേവാ സംഘത്തിന്റെ നേതൃത്വത്തിൽ കരുമാടി കാമരത്ത് കാവ് ശങ്കരനാരായണ മൂർത്തി ക്ഷേത്രത്തിൽ ആഴിപൂജ നടത്തി. കര പെരിയോൻ കെ ചന്ദ്രകുമാറിന്റെ മുഖ്യ കാർമ്മികത്വത്തിൽ നടന്ന പൂജയിൽ കര പെരിയോൻമാരായ ഗോപാലകൃഷ്ണൻ നായർ, രാജൻ പിള്ള , ഉണ്ണികൃഷ്ണ കൈമൾ, ജയകുമാർ, വിജയകുമാർ , നാരായണ കൈമൾ, രജിത് കുമാർ തുടങ്ങിയവർ നേതൃത്വം നൽകി. ഡിസംബർ പതിനഞ്ച്, പതിനേഴ് തീയതികളിൽ അയ്യപ്പ ക്ഷേത്രത്തിലും പതിനാറ് , ഇരുപത്തി ഒന്ന് തീയതികളിൽ കാമരത്ത് ക്ഷേത്രത്തിലും ഇരുപത്തി ആറാം തീയതി നാഗനാട് ക്ഷേത്രത്തിലും അയ്യപ്പ സേവാ സംഘത്തിന്റെ ആഴിപൂജ നടക്കും.
