എം.വി.ആർ ക്യാൻസർ സെന്റർ ആൻഡ് റിസർച്ച് ഇൻസ്റ്റിറ്റ്യൂട്ടിന്റെ സേവനം മാതൃകാപരം: സിനിമാതാരം ശങ്കർ
കോഴിക്കോട് : പ്രശസ്ത സിനിമാ നടൻ ശങ്കർ ( മഞ്ഞിൽ വിരിഞ്ഞ പൂക്കൾ ഫെയിം ) ചൂലൂരിലെ എം.വി.ആർ കാൻസർ സെന്റർ ആൻഡ് റിസർച്ച് ഇൻസ്റ്റ്യൂട്ട് സന്ദർശിച്ചു. എം.വി.ആർ കാൻസർ സെന്റർ കാണാൻ സാധിച്ചതിൽ അതിയായ സന്തോഷമുണ്ടെന്നും ഇത്തരം മികച്ച ആശുപത്രികൾ സമൂഹത്തിന് ആവശ്യമാണെന്നും അദ്ദേഹം പറഞ്ഞു. എം.വി.ആർ കാൻസർ സെന്റർ സെമിനാർ ഹാളിൽ നടന്ന ചടങ്ങിൽ ചെയർമാൻ സി.എൻ. വിജയകൃഷ്ണൻ അധ്യക്ഷത വഹിച്ചു. മെഡിക്കൽ ഡയറക്ടർ ഡോ. ഇ. നാരായണൻകുട്ടി വാര്യർ ശങ്കറിനെ പെന്നാടയണിയിച്ച് മൊമന്റോ നൽകി ആദരിച്ചു.
പ്രമുഖരായ വ്യക്തികളുടെ സാന്നിധ്യം രോഗികൾക്ക് മാനസിക ഉല്ലാസം നൽകുമെന്ന് ഡോ. നാരായണൻകുട്ടി വാര്യർ അഭിപ്രായപ്പെട്ടു.
കാലിക്കറ്റ് സിറ്റി സർവ്വീസ് കോ-ഓപ്പറേറ്റീവ് ബാങ്ക് ഡയറക്ടർ ഷെവലിയാർ സി.ഇ. ചാക്കുണ്ണി, എം.വി.ആർ കാൻസർ സെന്റർ ഡയറക്ടർ കെ.വി. മണികണ്ഠൻ, സി.ഇ.ഒ ഡോ. അനൂപ് നമ്പ്യാർ, ആശുപത്രി ജീവനക്കാർ തുടങ്ങിയവർ ചടങ്ങിൽ പങ്കെടുത്തു. കെയർ ഫൗണ്ടേഷൻ സെക്രട്ടറി കെ. ജയേന്ദ്രൻ സ്വാഗതവും എം.വി.ആർ കാൻസർ സെന്റർ ഡയറക്ടർ എൻ.സി അബൂബക്കർ നന്ദിയും പറഞ്ഞു.
