ഡോ. പൽപ്പു ചാരിറ്റബിൾ ട്രസ്റ്റ് ആതുരാലയങ്ങളിൽ സൗജന്യഭക്ഷണ വിതരണം തുടങ്ങി
കോഴിക്കോട് : ഡോക്ടർ പൽപ്പു ചാരിറ്റബിൾ ട്രസ്റ്റ് ഇന്ത്യയുടെ ജീവകാരുണ്യ പ്രവർത്തനങ്ങളുടെ ഭാഗമായി ആതുരാലയങ്ങളിൽ സൗജന്യ ഭക്ഷണ വിതരണം ആരംഭിച്ചു. ജില്ലാതല ഉദ്ഘാടനം കോഴിക്കോട് മെഡിക്കൽ കോളേജ് പരിസരത്ത് ട്രസ്റ്റ് ചെയർമാൻ പി.സി. അശോകൻന്റെ അധ്യക്ഷതയിൽ സബ് ഇൻസ്‌പെക്ടർ പോലീസ് കൺട്രോൾ റൂം ചിത്രകാരനും ചലച്ചിത്ര ഗാന രചയിതാവുമായ പ്രേമദാസ് ഇരുവള്ളൂർ നിർവ്വഹിച്ചു. ഡോക്ടർ പൽപ്പു ചാരിറ്റബിൾ ട്രസ്റ്റ് ഇന്ത്യയുടെ ഈ ജീവകാരുണ്യപ്രവർത്തനം എല്ലാവർക്കും ഒരു മാതൃകയാണ്. ലോകാരാധ്യനായ ഡോക്ടർ പൽപ്പുവിന്റെ ആശയങ്ങൾ നടപ്പിലാക്കുമ്പോൾ ഒരുപാട് പാവപ്പെട്ട കുടുംബങ്ങൾക്കും രോഗികൾക്കും സഹായം ലഭിക്കുകയാണ്. ഇത്തരം ചാരിറ്റി പ്രവർത്തനങ്ങൾ ഇന്നത്തെ കാലഘട്ടത്തിന് ആവശ്യമാണെന്നും പ്രമദാസ് ഇരുവള്ളൂർ ഉദ്ഘാടന പ്രസംഗത്തിൽ പറഞ്ഞു. രാജ്യം 75ാം സ്വാതന്ത്രദിനം കൊണ്ടാടുന്ന ഈ വേളയിൽ ഇത്തരമൊരു സത്കർമ്മം ഉദ്ഘാടനം ചെയ്യുവാൻ സാധിച്ചതിൽ വളരെയേറെ സന്തോഷമുണ്ടെന്നും അദ്ദേഹം കൂട്ടിച്ചേർത്തു. ട്രസ്റ്റ് ഭാരവാഹികളായ ഭാസ്‌കരൻ, കെ. സത്യൻ മാസ്റ്റർ, ആഷിക്, ദേവദാസൻ, കെ. ശ്രീജു, ശശി, പിവിഎസ് ഹരിദാസൻ, കെ.പി. സുരേഷ്, അമൃത, ഗ്രഷി സുരേഷ,് ഡി ബിന്ദു ടീച്ചർ, രാജൻ ഇ, ഐശ്വര്യ ബി, ഉണ്ണി കരിപ്പാലി, സതീഷ് അയനിക്കാട്, അജിത്ത് എന്നിവർ സംബന്ധിച്ചു.
